அராஜகமான கார்த்திக், திமிரான நயன்தாரா. கலக்கல் காஷ்மோரா
கார்த்தி, நயன்தாரா, ஸ்ரீதிவ்யா நடிப்பில் இயக்குனர் கோகுல் இயக்கிய காஷ்மோரா’ படத்தின் படப்பிடிப்பு சமீபத்தில் முடிவடைந்து தற்போது போஸ்ட் புரடொக்ஷன்ஸ் பணிகள் விறுவிறுப்புடன் நடந்து வரும் நிலையில் இன்று அதிகாலை இந்த படத்தின் அட்டகாசமான ஃபர்ஸ்ட்லுக் போஸ்டர்கள் வெளியாகியுள்ளது. மேலும் இயக்குனர் கோகுல் வார இதழ் ஒன்றுக்கு அளித்துள்ள பேட்டியில் கார்த்தி, மற்றும் நயன்தாரா கேரக்டர் குறித்தும் சில தகவல்களை அளித்துள்ளார்.
இந்த படத்தில் கார்த்தி முதல்முறையாக மூன்று கேரக்டர்களில் நடித்துள்ளதாகவும் அவற்றில் காஷ்மோரா, ராஜ்நாயக் ஆகிய இரண்டு கேரக்டர்கள் ஒன்றுக்கு ஒன்று முற்றிலும் மாறுபட்ட கேரக்டர் என்று கோகுல் கூறியுள்ளார். காஷ்மோரா கேரக்டர் முற்றிலும் நகைச்சுவையுடன் கூடிய ஜாலியான கேரக்டர் என்றும் ஆனால் ராஜ்நாயக் கேரக்டர் அதற்கு நேர்மாறாக கொடூரமான நெகட்டிவ் கேரக்டர் என்றும் கூறினார்.
மேலும் நயன்தாரா இந்த படத்தில் முதல்முறையாக இளவரசி கேரக்டரில் நடித்துள்ளதாகவும், அவரது கேரக்டருக்கு ரத்தினமகாதேவி என்றும் கூறிய அவர், இந்த ரத்தினமகாதேவி கேரக்டர் அழகும் திமிரும் ஒருங்கே அமைந்த கேரக்டர் என்றும் கோகுல் கூறியுள்ளார்.
கார்த்தி, நயன்தாரா, ஸ்ரீதிவ்யா, மனிஷா யாதவ், விவேக், சித்தார்த் விபின், மதுமிதா உள்ளிட்ட பலர் நடித்துள்ள இந்த படத்தை கோகுல் இயக்கியுள்ளார். சந்தோஷ் நாராயணன் இசையில் ஓம்பிரகாஷ் ஒளிப்பதிவில் சாபு ஜோசப் படத்தொகுப்பில் உருவாகியுள்ள இந்த படத்தை ட்ரீம் வாரியர் பிக்சர்ஸ் எஸ்.ஆர்.பிரபு தயாரித்துள்ளார். இந்த படம் வரும் தீபாவளி திருநாளில் பிரமாண்டமாக உலகம் முழுவதும் ரிலீஸ் ஆகவுள்ளது.
