அர்ப்பணிப்பு உள்ள நடிகர் அஜித்! கருணாகரன் ஆச்சரியம்
தல அஜித் நடித்து முடித்துள்ள ‘விவேகம்’ திரைப்படம் வரும் ஆகஸ்ட் 10ஆம் தேதி ரிலீஸ் ஆகவுள்ள நிலையில் இந்த படத்தின் இறுதிக்கட்ட போஸ்ட் புரொடக்ஷன்ஸ் பணிகள் இரவுபகலாக நடந்து வருகிறது. இந்த படத்தின் சென்சார் வரும் திங்கள் அன்று நடைபெறும் என்று எதிர்பார்க்கப்படுகிறது.
இந்த நிலையில் இந்த படத்தில் முதன்முதலாக அஜித்துடன் இணைந்து நடித்துள்ள கருணாகரன் சமீபத்தில் அளித்த பேட்டி ஒன்றில் கூறியதாவது:
‘அஜித்தின் அர்ப்பணிப்பு உணர்வை அருகில் இருந்து பார்த்து ஆச்சரியம் அடைந்தேன். செர்பியாவில் மைனஸ் டிகிரி வெப்பநிலை இருந்தாலும் படப்பிடிப்பு முடிந்தவுடன் ஜிம்முக்கு சென்று வொர்க் அவுட் செய்வார் அஜித்.
படப்பிடிப்பின்போது அவர் அருகில் இருந்தாலே ஒரு பாசிட்டிவ் எனர்ஜி கிடைக்கும். ஒருமுறை நான் ஒரு பெரிய வசனம் பேச வேண்டும்.தொடர்ந்து சொதப்பி கொண்டே வந்தேன். உடனே அஜித் என்னை தனியே அழைத்து வாங்க நாம பிராக்டிஸ் செய்யலாம் என்று அவரும் என்னுடன் பயிற்சி எடுத்தார்.
‘வீரம்’ படத்திலேயே எனக்கு இயக்குனர் சிவா வாய்ப்பு கொடுத்தார். ஆனால் அந்த வாய்ப்பை ஏற்று கொள்ள முடியாத நிலையில் அப்போது இருந்தேன். இந்த நிலையில் ‘விவேகம்’ படத்தில் வாய்ப்பு கொடுத்தபோது சந்தோஷத்துடன் ஏற்றுக்கொண்டேன்’
இவ்வாறு கருணாகரன் கூறினார்
