ஒரு மாதத்திற்கு பின் வெளியான கருணாநிதி புகைப்படம்
திமுக தலைவர் கருணாநிதி கொப்பளம் உள்ளிட்ட உடல்நலக்குறைவு காரணமாக கடந்த சில நாட்களாக சிகிச்சை பெற்று வந்தார். நெருங்கிய உறவினர்கள் தவிர வேறு யாரும் அவரை சந்திக்க அனுமதிக்கப்படவில்லை.
மேலும் கடந்த ஒரு மாத காலமாக அவருடைய புகைப்படங்கள் எதுவும் பத்திரிகைகளில் வெளிவரவில்லை. இருப்பினும் அவரது அறிக்கைகள் அவ்வப்போது வெளிவந்து கொண்டிருந்தது. சமீபத்தில் 3 தொகுதி தேர்தல் முடிவு குறித்தும் அவர் அறிக்கை ஒன்றை வெளியிட்டிருந்தார்.
இந்நிலையில் ஒரு மாதத்திற்கு பின்னர் சற்று முன் கருணாநிதியின் புகைப்படம் வெளிவந்துள்ளது. பேராசிரியர் அன்பழகன் திமுக தலைவரை சந்திப்பது போன்று உள்ள இந்த புகைப்படத்தில் மு.க.ஸ்டாலினும் உள்ளார் என்பது குறிப்பிடத்தக்கது.
ஒரு மாதமாக புகைப்படம் வராமல் இருந்த கருணாநிதியின் புகைப்படம் வெளிவந்துவிட்டது. ஆனால் இரண்டு மாதங்களாக ஜெயலலிதாவின் புகைப்படங்கள் வராமல் இருக்கின்றதே, அவருடைய புகைப்படங்கள் எப்போது வரும்? என்பதே அனைவரின் எதிர்பார்ப்பாக உள்ளது.
