சென்னை கத்திப்பாரா மேம்பாலத்திற்கு போராட்டக்காரர்கள் போட்ட பூட்டு. போக்குவரத்து ஸ்தபித்தது.
தலைநகர் டெல்லியில் கடந்த ஒரு மாதமாக தமிழக விவசாயிகள் போராடி வரும் நிலையில் அவர்களுக்கு பொதுமக்கள் மற்றும் மற்ற பகுதி விவசாயிகளின் ஆதரவு பெருகிக்கொண்டே வருகிறது.
இந்த நிலையில் சென்னையின் போக்குவரத்து மிகுந்த இடங்களில் ஒன்றாகிய கத்திப்பாரா மேம்பாலத்தில் சுமார் 25 விவசாயிகள் திடீரென கூடி விவசாயிகளின் கோரிக்கைகளை நிறைவேற்ற வலியுறுத்தி கத்திப்பாரா மேம்பாலத்திற்கு பூட்டு போட்டனர். இதனால் அந்த பகுதியில் பெரும் பரபரப்பு ஏற்பட்டது.
சுமார் அரைமணி நேரம் போக்குவரத்து ஸ்தம்பித்த நிலையில் உடனடியாக விரைந்து வந்த காவல்துறையினர் மேம்பாலத்திற்கு பூட்டு போட்ட 25 விவசாயிகளை கைது செய்தனர். இதனையடுத்து தற்போது போக்குவரத்து சீராகி வருகிறது.
