சமீபத்தில் வெளியான ‘கத்தி’ படத்தின் கதையை தனது சொந்தக்கதை என்று நிரூபிக்க போராடி வரும் மீஞ்சுர் கோபி அவர்கள் சில மாதங்களுக்கு முன்னரே தண்ணீர் குறித்து தந்தி டிவியில் பேசிய வீடியோ ஒன்று சமீபத்தில் வெளியாகியுள்ளது. கத்தி படத்தில் பன்னாட்டு முதலாளிகள் தண்ணீரை திருடுகின்றனர் என்பதுதான் மூலக்கதை.
ஆனால் இந்த மூலக்கதை குறித்து படம் வெளிவருவதற்கு பல நாட்கள் முன்னரே இதே பன்னாட்டு முதலாளிகள் குறித்து தந்தி டிவியின் விவாதம் ஒன்றில் சீமான் முன்னிலையில் மீஞ்சூர் கோபி பேசியுள்ள பரபரப்பான வீடியோ தற்போது வெளியாகியுள்ளது. இந்த வீடியோ ஒன்றே போதும், கத்தி படத்தின் கதை மீஞ்சூர் கோபியின் கதை என்பதை நிரூபிக்க என பல்வேறு ஊடகங்களில் செய்திகள் வெளிவந்துள்ளது.,
இந்த வீடியோ ஊடகங்களில் வெளியானதில் இருந்து ஏ.ஆர்.முருகதாஸ் அதிர்ச்சி அடைந்துள்ளதாக கூறப்படுகிறது. பத்திரிகையாளர்கள் அவரை சந்திக்க விரும்பினாலும், தான் அடுத்த படத்தில் பிசியாக இருப்பதாகவும், தன்னால் தற்போது சந்திக்க முடியாது என்று கூறி வருவதாகவும் தகவல்கள் வெளிவருகின்றது.
கத்தி படம் வருவதற்கு முன்னரும், படம் ரிலீஸான பின்னரும் தண்ணீர் பிரச்சனை குறித்து எந்த விவாதத்திலும் கலந்து கொள்ளாத முருகதாஸ், எந்த முகத்தை வைத்துக்கொண்டு ‘கத்தி’ தன்னுடைய கதை என்று கூறிவருகிறார் என்று தெரியவில்லை என சமூக வலைத்தளங்களில் பலர் கருத்து வெளியிட்டு வருகின்றனர்.
