இன்று முதல் ‘விஜய் 60-யில் இணைகிறார் கீர்த்திசுரேஷ்

இன்று முதல் ‘விஜய் 60-யில் இணைகிறார் கீர்த்திசுரேஷ்

இளையதளபதி விஜய் நடித்து வரும் ‘விஜய் 60’ திரைப்படத்தின் படப்பிடிப்பு தற்போது சென்னையில் விறுவிறுப்பாக நடைபெற்றுகொண்டிருக்கிறது என்பதும் இந்த படத்தின் விஜய் அறிமுகப்பாடலின் படப்பிடிப்பு முடிந்துவிட்டது என்பதும் அறிந்ததே.

இந்நிலையில் இந்த படத்தின் மிக முக்கியமான காட்சி அதாவது விஜய்-கீர்த்தி சுரேஷ் காதல் காட்சிகளின் படப்பிடிப்பு இன்று முதல் தொடங்குகிறது. இதனால் இன்று முதல் கீர்த்தி சுரேஷ் ‘விஜய் 60’ படப்பிடிப்பில் கலந்து கொள்ள உள்ளார். இந்த தகவலை அவர் தனது டுவிட்டரில் உறுதி செய்துள்ளார்.

கீர்த்தி சுரேஷ் தனது டுவிட்டரில், “Very happy that I have started shooting for #Thalapathy60 today!? Need all your blessings and support’ என்று பதிவு செய்துள்ளார்.

விஜயா புரடொக்ஷன்ஸ் நிறுவனம் பிரமாண்டமாக தயாரித்து வரும் இந்த படத்தில் விஜய், கீர்த்தி சுரேஷ், சதீஷ், ஜெகபதிபாபு, டேனியல் பாலாஜி உள்பட பலர் நடித்துள்ளனர். ‘அழகிய தமிழ்மகன்’ இயக்குனர் பரதன் இயக்கி வரும் இந்த படத்திற்கு சந்தோஷ் நாராயணன் இசையமைத்து வருகிறார். இந்த படம் வரும் 2017ஆம் ஆண்டு பொங்கல் தினத்தில் வெளியாகும் என்றும் எதிர்பார்க்கப்படுகிறது.