வீதியில் முத்தமிடும் போராட்டம். போலீஸ் தடியடியால் கேரளாவில் பரபரப்பு
கடந்த சில மாதங்களுக்கு முன்னர் கேரளாவில் ‘கிஸ் ஆப் லவ்’ என்ற அமைப்பை சேர்ந்தவர்கள் கலாச்சார சர்வாதிகாரத்தையும், சகிப்பின்மையையும் எதிர்ப்பதாக கூறிக்கொண்டு தெருக்களில் முத்தமிடும் போராட்டம் நடத்தினர். இதற்கு இந்து அமைப்பினர் உள்பட பலர் கண்டனம் தெரிவித்தனர். இந்நிலையில் மீண்டும் இதே அமைப்பினர் கோழிக்கோடு வீதிகளில் முத்தமிடும் போராட்டத்தில் ஈடுபட்டதால் பெரும் பரபரப்பு ஏற்பட்டது. முத்தமிட்ட போராட்டக்காரர்கல் மீது ஹனுமன் சேனா அமைப்பினர் தாக்குதல் நடத்தியதால் அங்கு சிறிது நேரம் பதட்டம் ஏற்பட்டது.
இன்று காலையில் கோழிக்கோடு மத்திய நூலகம் அருகே திரண்ட கிஸ் ஆப் லவ் அமைப்பினர் வீதியில் பொதுமக்கள் முன்னிலையில் முத்தம் கொடுக்கும் போராட்டத்தில் ஈடுபட்டனர். இந்த தகவல் அறிந்து அந்த இடத்திற்கு வந்த ஹனுமன் சேனா என்ற அமைப்பை சேர்ந்தவர்கள் முத்தம் கொடுக்கும் போராட்டத்தில் ஈடுபட்டவர்கள் மீது அதிரடியாக தாக்குதல் நடத்தினர்.
இரு தரப்பிற்கும் இடையே ஏற்பட்ட மோதலால், அந்த பகுதியில் பெரும் பரபரப்பு ஏற்பட்டட தகவல் கிடைத்ததும் அங்கு விரைந்து வந்த போலீசார், இருதரப்பினர் மீதும் தடியடி நடத்தினர். இதனால் முத்தப்போராட்டக்காரர்களும், ஹனுமன் சேனா அமைப்பினர்களும் சிதறி ஓடினர். மேலும், இந்த மோதலில் ஈடுபட்ட இரு அமைப்பைச் சேர்ந்தவர்களையும் கைது செய்து போலீஸார் விசாரணை நடத்தி வருகின்றனர்.
Chennai Today News: Kiss of love’ activists clash with Hanuman sena at Kozhikodu
