அஜீத்துக்கு அறுவை சிகிச்சை. 6 மாதம் ஓய்வு
அஜித் நடித்த ‘வேதாளம்’ திரைப்படம் உலகம் முழுவதும் கடந்த தீபாவளி தினத்தில் வெளியாகி வெற்றி நடைபோடுகிறது. இந்த படம் இரண்டு நாட்களில் உலகம் முழுவதும் சுமார் 38 கோடி ரூபாய் வரை வசூல் செய்துள்ளதாகவும் இன்னும் பல திரையரங்குகளில் ஹவுஸ்புல் காட்சியாக ஓடிக்கொண்டிருப்பதால் விரைவில் இந்த படம் ரூ.100 கோடி பட்டியலில் இணையும் என்றும் கூறப்படுகிறது.
இந்நிலையில் நேற்று சென்னை ராமசந்திரா மருத்துவமனையில் நடிகர் அஜித்துக்கு முழங்கால் மற்றும் தோள்பட்டையில் அறுவை சிகிச்சை நடந்துள்ளது. இந்த அறுவை சிகிச்சை வெற்றிகரமாக நடந்து முடிந்துள்ளதாகவும், இன்னும் ஓரிரு நாட்களில் அஜீத் டிஸ்சார்ஜ் செய்யப்படுவார் என்றும் மருத்துவமனை வட்டாரங்கள் தெரிவித்துள்ளன.
மருத்துவமனையில் இருந்து அஜீத் டிஸ்சார்ஜ் ஆகி வீடு திரும்பியவுடன் சென்னையில் சில நாட்களும், வெளிநாட்டில் சில மாதங்களும் ஓய்வு எடுக்க உள்ளதாகவும், அஜீத்தின் அடுத்த படம் வரும் 2016ஆம் ஆண்டு ஜூன் மாதத்தில்தான் தொடங்கப்படும் என்றும் கூறப்படுகிறது.
English Summary: Knee surgery to Ajith in Chennai hospital
