நான் நடிகை என்றால் ஜெயலலிதா என்ன மதர் தெரசா குடும்பத்தில் இருந்து வந்தவரா? குஷ்பு
தமிழக சட்டமன்ற தேர்தல் தேதி விரைவில் அறிவிக்கப்படும் நிலையில் காங்கிரஸ் கட்சி எந்த கூட்டணியில் இடம்பெறும் என்று இதுவரை முடிவாகவில்லை. எனினும் குஷ்பு தனது தேர்தல் பிரச்சாரத்தை தொடங்கிவிட்டதாகவே தெரிகிறது. தமிழகம் முழுவதும் பல்வேறு நிகழ்ச்சிகளில் கலந்து கொண்டு வரும் குஷ்பு நேற்று ஈரோடு நகரில் நடைபெற்ற ஒரு நிகழ்ச்சியில் கலந்து கொண்டார். அங்கு அவர் செய்தியாளர்களுக்கு பேட்டியளித்தபோது, ‘நடிகைகள் பின்னாடி காங்கிரஸ் போகணும் என்று அவசியமில்லை. காங்கிரஸ் கட்சியில் என்னை யாரும் நடிகையாகப் பார்க்கவில்லை. காங்கிரஸ் தொண்டராகத்தான் என்னை எல்லோரும் பார்த்துக்கொண்டு இருக்கிறார்கள்.
அதிமுக பார்வைக்கு நான் ஒரு நடிகையாகத் தெரிகிறேன் என்றால், என்னுடைய கேள்வி, அம்மையார் ஜெயலலிதா மதர் தெரசா குடும்பத்தைச் சார்ந்தவரா அல்லது அன்னிபெசன்ட் அம்மையாரின் அக்கா பொண்ணா என்பதாகத்தான் இருக்கும்” என்று ஆவேசமாக பேசினார்.
சமீப காலமாக காங்கிரஸ் கட்சி, குஷ்பு, நக்மா ஆகிய நடிகைகளை நம்பியே வரும் தேர்தலை சந்திக்கவுள்ளதாக அதிமுகவினர் பிரச்சாரம் செய்து வந்த நிலையில் அதிமுகவினர்களுக்கு பதிலடி கொடுக்கும் வகையில் நேற்று குஷ்பு பேசியுள்ளார் என்பது குறிப்பிடத்தக்கது.
