அரசியல்வாதி – ரவுடிக்கு ஜோடிகளாகும் லட்சுமிமேனன் – ஷாம்லி
தனுஷ் தற்போது இயக்குனர் பிரபுசாலமன் இயக்கத்தில் முழுக்க முழுக்க ரயிலில் நடைபெறும் சம்பவங்களை அடிப்படையில் வைத்து தயாரிக்கப்படும் ஒரு படத்தில் நடித்து வருகிறார். இந்த படத்தில் தனுஷுக்கு ஜோடியாக கீர்த்தி சுரேஷ் நடிக்கவுள்ளார். இந்நிலையில் இந்த படம் முடிந்தவுடன் எதிர்நீச்சல், காக்கி சட்டை படங்களை இயக்கிய இயக்குனர் துரைசெந்தில்குமார் இயக்கத்தில் தனுஷ் ஒரு புதிய படத்தில் நடிக்கவுள்ளார். இந்த படத்தில் தனுஷ் அண்ணன் – தம்பி என இருவேடங்களில் முதன்முதலாக நடிக்கின்றார்.
இந்த படத்தில் அண்ணன் தனுஷுக்கு லட்சுமி மேனன் ஜோடியாகவும், தம்பி தனுஷுக்கு ஷாம்லி ஜோடியாகவும் நடிக்கவுள்ளதாக கூறப்படுகிறது. மேலும் தனுஷ் இந்த படத்தில் அரசியல்வாதி மற்றும் லோக்கல் ரவுடியாக நடிக்கவுள்ளதாகவும், அரசியல்வாதிக்கு லட்சுமிமேனனும், லோக்கல் ரவுடிக்கு ஷாம்லியும் ஜோடியாக நடிக்கவுள்ளதாகவும் கூறப்படுகிறது;
இப்படத்தின் படப்பிடிப்பை இம்மாத இறுதியில் தொடங்கவுள்ளதாக படக்குழுவினர் தரப்பில் இருந்து தகவல்கள் வெளிவந்துள்ளது. இந்த படத்தை வெற்றிமாறன் மற்றும் எஸ்கேப் ஆர்ட்டிஸ்ட் மதன் ஆகியோர் இணைந்து தயாரிக்கின்றனர்.
