சிம்புவின் வாலு திரைப்படம் வரும் மே மாதம் 9ஆம் தேதி வெளியாகும் என அறிவிக்கப்பட்டிருக்கும் நிலையில் அவர் நடித்து வரும் ‘இது நம்ம ஆளு’ திரைப்படமும் முடிவடையும் நிலையில் உள்ளது.
இந்நிலையில் சிம்பு அடுத்ததாக கிருத்திகா உதயநிதி இயக்கவுள்ள புதிய படத்தில் நடிக்க ஓப்பந்தமாகியுள்ளார். இந்த படத்தில் அவருக்கு ஜோடியாக நடிக்க லட்சுமி மேனன் ஒப்பந்தம் செய்யப்பட்டிருப்பதாக செய்திகள் வெளியாகியுள்ளது.
கொம்பன் வெற்றி படத்தை அடுத்து 12ஆம் வகுப்பு தேர்வு எழுத சென்றுவிட்ட லட்சுமி மேனன் தேர்வை முடித்த பின்னர் ஜெயம் ரவி நடிக்கவிருக்கும் படத்தில் நடிக்க ஒப்பந்தம் ஆனார். அதன்பின்னர் ஒருசில நாட்களில் கிருத்திகா உதயநிதியின் படத்தில் நாயகியாக ஒப்பந்தம் செய்யப்பட்டுள்ளார். ஏற்கனவே இவர் கவுதம் கார்த்திக் ஜோடியாக ‘சிப்பாய்’ என்ற படத்தில் நடித்து வருகிறார் என்பது குறிப்பிடத்தக்கது.
இது தவிர அஜீத் நடிக்கவுள்ள அடுத்த படத்தில் அஜீத்துக்கு தங்கையாக நடிக்கவும் அவரிடம் பேச்சுவார்த்தை நடத்தப்பட்டு வருகிறது என்பது குறிப்பிடத்தக்கது. கொம்பன் படத்தின் வெற்றியால் லட்சுமி மேனனுக்கு வாய்ப்புகள் குவிந்து வருகிறது என்பது குறிப்பிடத்தக்கது.
