ரூ.2000 நோட்டுக்களால் காரை அலங்கரித்த காதலன் கைது. காதலர் தினத்தில் பரிதாபம்
நேற்று காதலர் தினம் உலகம் முழுவதும் கொண்டாடப்பட்ட நிலையில் காதலர்கள் தங்கள் மனம் கவர்ந்த காதலியை கவர பல்வேறு முயற்சிகளை செய்து வந்தனர். அந்த வகையில் வித்தியாசமாக காதலியின் கவனத்தை பெற தன்னுடைய கார் முழுவதிலும் ரூ2000 நோட்டுக்களால் அலங்கரித்த வாலிபர் ஒருவர் கைது செய்யப்பட்டுள்ளார்
மும்பையைச் சேர்ந்த இளைஞர் ஒருவர் தன்னுடைய காதலியை வித்தியாசமான வகையில் கவர காரின் வெளிப்புறம் முழுவதிலும் புதிய 2000 ரூபாய் நோட்டால் அலங்கரித்துள்ளார். அதனை தன் காதலியிடம் காட்டுவதற்காக காரை ஓட்டிக்கொண்டு சென்றபோது போலீசார் மடக்கி பிடித்தனர்.
பின்னர் அந்த இளைஞரை காவல் நிலையம் அழைத்துச் சென்ற காவலர் அவரை கைது செய்து அவர் மீது வழக்குப்பதிவு செய்தனர். புதிய ரூபாய் நோட்டுகளுக்கு இன்னும் தட்டுப்பாடுகள் இருந்து வரும் நிலையில், அந்த இளைஞருக்கு மட்டும் எங்கிருந்து பணம் கிடைத்தது என்று போலீசார் விசாரணை மேற்கொண்டு வருகின்றனர்.
