சிம்பு-அனிருத் பாடல் குறித்து விஜய் ஆவேச கருத்து. பெரும் பரபரப்பு

சிம்பு-அனிருத் பாடல் குறித்து விஜய் ஆவேச கருத்து. பெரும் பரபரப்பு

பொதுவாக ஒரு நடிகருக்கு பிரச்சனை என்றால் திரையுலகமே அந்த நடிகருக்கு ஆதரவாக களமிறங்கும். கமல், விஜய் உள்பட அனைவருக்கும் பிரச்சனை எழுந்தபோது இதுதான் நடந்தது என்பதை அனைவரும் அறிவோம். ஆனால் இந்த பீப் பாடல் விவகாரத்தில் முக்கிய திரையுலகினர்களே முகம் சுளிக்கின்றனர். சிம்பு மற்றும் அனிருத்துக்கு தங்கள் கண்டனங்களை தெரிவித்து வருகின்றனர்.

ஏற்கனவே வைரமுத்து, கங்கை அமரன் உள்பட பலர் பீப் பாடலுக்கு கண்டனம் தெரிவித்துள்ள நிலையில் தற்போது பாடலாசிரியர் பா.விஜய்யும் தனது கண்டனத்தை பதிவு செய்துள்ளார்.

“இந்த மாதிரி பாடல்களை வேண்டும் என்றே ‘வைரல்’ ஆகவேண்டும் என்பதற்காக இப்படி சம்பந்தப்பட்டவர்களே கசிய விடுகிறார்கள். இதன் மூலம் 10 லட்சம் பேர் கேட்க வேண்டிய பாடலை 10 கோடி பேர் வரை கேட்கிறார்கள். இந்த பாடலை எதிர்த்து குரல் கொடுப்பவர்கள் இன்று மட்டுமே குரல் கொடுப்பார்கள். அப்படியிருக்கக் கூடாது.

தொடர்ந்து இந்த பாடலை எதிர்க்க வேண்டும். இனி யாரும் இது போன்ற பாடல்களை வெளியிட அஞ்ச வேண்டும். மேலும் படங்களுக்கு தணிக்கை இருப்பது போல் பாடல்களுக்கும் தணிக்கை கொண்டு வரவேண்டும். அந்த நிலை வந்தால், இது போன்ற பாடல்கள் வெளியாவது கட்டுக்குள் கொண்டுவரப்படும்” இவ்வாறு பா.விஜய் தனது கருத்தை தெரிவித்துள்ளார்.

English Summary: Lyricist Vijay said about Simbu-Anirudh Beep song