மணிரத்னம் இயக்கும் அடுத்த படத்தில் ஐஸ்வர்யாராய்?
மணிரத்னம் இயக்கத்தில் கார்த்தி நடித்த ‘காற்று வெளியிடை’ திரைப்படம் ரிலீசுக்கு முன்னர் பெரும் எதிர்பார்ப்பை ஏற்படுத்திய நிலையில் ரிலீசுக்கு பின்னர் படுதோல்வி அடைந்தது. ஆனால் மணிரத்னம் தனது அடுத்த வேலையை சத்தமில்லாமல் தொடங்கிவிட்டார்
மணிரத்னம் இயக்கவுள்ள அடுத்த படத்தில் ஐஸ்வர்யாராய் நடிக்கவுள்ளதாக கூறப்படுகிறது. ஏற்கனவே மணிரத்னம் இயக்கத்தில் ‘இருவர்’, ‘குரு’ மற்றும் ‘ராவணன்’ ஆகிய மூன்று படங்களில் ஐஸ்வர்யாராய் நடித்துள்ள நிலையில் இந்த படம் நான்காவது படமாக இருக்கும் என்று எதிர்பார்க்கப்படுகிறது.
கடந்த சில நாட்களுக்கு முன்னர் மணிரத்னம் அடுத்த படத்தில் ராம்சரண்தேஜா நடிக்கவுள்ளதாகவும், இந்த படத்தில் அரவிந்தசாமி வில்லனாகவும், இந்த படத்திற்கு ‘யோதா’ என்ற டைட்டில் வைக்கப்பட்டிருந்ததாகவும் செய்திகள் வெளிவந்த நிலையில் தற்போது இந்த படத்தில் ஐஸ்வர்யாராயும் இணையவுள்ளார் என்பது குறிப்பிடத்தக்கது
