கருணாநிதி, கனிமொழி முன்னிலையில் திமுகவில் இணைந்தார் மனுஷ்யபுத்திரன்
பிரபல கவிஞரும், பேஸ்புக் போன்ற சமூக வலைத்தளத்தில் தனது கருத்துக்களை ஆணித்தரமாக பதிவு செய்து வருபவருமான மனுஷ்யபுத்திரன் நேற்று திமுக தலைவர் கருணாநிதி மற்றும் மு.க.ஸ்டாலின், கனிமொழி முன்பு தன்னை திமுகவில் இணைத்து கொண்டார்.
இது தொடர்பாக மனுஷ்யபுத்திரன் தனது ஃபேஸ்புக் பக்கத்தில் பதிவு செய்துள்ளதாவது:
“திமுக தலைவர் கருணாநிதியை கோபாலபுரம் இல்லத்தில் சந்தித்து கலைஞர் விருதிற்கு தேர்வு செய்தமைக்கு நன்றி தெரிவித்தேன். மேலும், திமுக பொருளாளர் ஸ்டாலின் முன்னிலையில் திராவிட முன்னேற்றக் கழகத்தில் அதிகாரபூர்வமாக இணையும் படிவத்தில் கையெழுத்திட்டேன். அப்போது, நாடாளுமன்ற உறுப்பினர் கனிமொழி உடனிருந்தார்.
திராவிட இயக்க லட்சியங்களையும் சமூக நீதிக் கோட்பாடுகளையும் முன்னெடுக்கும் எனது பயணத்தில் இந்த நாளை எனது வாழ்வில் முக்கியமானதாகக் கருதுகிறேன்.”
இவ்வாறு மனுஷ்யபுத்திரன் குறிப்பிட்டுள்ளார்.
