மலையாளத்தில் முன்னணி நடிகையாக விளங்கும் நடிகை மஞ்சுவாரியர், நடிகர் திலீப்பை திருமணம் செய்த பின்னர் சில ஆண்டுகள் சினிமாவுக்கு முழுக்கு போட்டார். இவர்களுக்கு திருமணமான 16 வருடங்கள் கழித்து இருவருக்கும் ஏற்பட்ட கருத்துவேறுபாடு காரணமாக விவாகரத்து பெற்று பிரிய முடிவு செய்தனர். கடந்த சில தினங்களுக்கு முன்பு நீதிமன்றம் மஞ்சுவாரியர் – திலீப் தம்பதிகளுக்கு விவகாரத்து வழங்கியது.
இந்நிலையில் மீண்டும் மஞ்சுவாரியர் மலையாள படங்களில் நடிக்க தொடங்கினார். சமீபத்தில் வெளியான ஹவ் ஓல்டு ஆர் யு’ திரைப்படம் வெற்றிகரமாக ஓடி கேரளாவில் புதிய சாதனையை ஏற்படுத்தியது. இப்படத்தின் தமிழ் ரீமேக்கில் ஜோதிகா நடித்துள்ளார் என்பது குறிப்பிடத்தக்கது.
ஹவ் ஓல்ட் ஆர் யூ படத்தில் மஞ்சுவாரியரின் நடிப்பை மிகவும் ரசித்த சூர்யா, தற்போது அவர் தயாரித்து நடிக்கவுள்ள அடுத்த படத்திற்கு அவரையே கதாநாயகியாக்க முடிவு செய்துள்ளார்.
இந்த படத்தை பாண்டிராஜ் இயக்குகிறார். இவர் ‘பசங்க’ படம் மூலம் பிரபலமானவர். தற்போது சிம்பு, நயன்தாரா ஜோடியாக நடிக்கும் ‘இது நம்ம ஆளு’ படத்தை டைரக்டு செய்து வருகிறார். இந்த படம் முடிந்ததும் சூர்யா தயாரிப்பில் மஞ்சுவாரியர் நடிக்கும் படத்தை இயக்குகிறார். இந்த படத்தில் பசங்க படத்தில் நடித்த நான்கு சிறுவர்களும் நடிக்கவுள்ளனர் என்பது குறிப்ப்பிடத்தக்கது.
