மோடி அரசை விட, மன்மோகன் சிங் அரசே மேலானது. பாஜக மூத்த தலைவர் அதிர்ச்சி கருத்து

மோடி அரசை விட, மன்மோகன் சிங் அரசே மேலானது. பாஜக மூத்த தலைவர் அதிர்ச்சி கருத்து

பாரத பிரதமராக நரேந்திர மோடி பதவியேற்றது முதல் காங்கிரஸ் உள்பட பல்வேறு எதிர்க்கட்சிகள் அவரை கடுமையாக விமர்சனம் செய்து வந்த நிலையில், பாஜகவின் கூட்டணி கட்சிகளும் சமீபத்தில் பிரதமரை விமர்சனம் செய்து வந்தன. இந்நிலையில் பாஜகவில் உள்ள மூத்த தலைவர் அருண்ஷோரி, பிரதமர் மோடியை கடுமையாக நேற்று விமர்சித்துள்ளார். இதனால் பாஜக வட்டாரத்தில் பெரும் பரபரப்பு ஏற்பட்டுள்ளது.,

நேற்று டெல்லியில் நடைபெற்ற புத்தக வெளியீட்டு விழா ஒன்றில் அருண்ஷோரி பேசுகையில், ”பிரதமர் மோடி தலைமையிலான மத்திய அரசு, மாநில முதலமைச்சர்கள் உள்பட அனைத்து தரப்பினரிடமும் மோதல் போக்கை கடைபிடித்து வருகிறது. பத்திரிகைகளில் தலைமைப்புச் செய்தியாக இடம் பெறுவதையே பொருளாதார நிர்வாகம் என மோடி அரசு நம்புகிறது.

மோடி அரசின் இந்த போக்கு ஒரு போதும் பலன் தராது. மோடி தலைமையிலான பிரதமர் அலுவலகத்தைப் போல் மிகவும் பலவீனமான ஒன்றை இதுவரை நான் கண்டதில்லை. மோடி அரசை விட, மன்மோகன் சிங் தலைமையிலான அரசே மேலானது என மக்கள் நினைக்க தொடங்கி விட்டனர்” எனக் கூறியுள்ளார்.

பா.ஜ.க.வின் மூத்த தலைவர் ஒருவரே மோடி தலைமையிலான மத்திய அரசை கடுமையாக விமர்சனம் செய்திருப்பது பாஜகவின் மற்ற தலைவர்களை அதிர்ச்சியில் ஆழ்த்தியுள்ளது.

English Summary: Manmohan singh rule is better than modi said Arunshori