டங்காபாரி பாடலுக்கு இணையாகுமா? சிவகார்த்திகேயன் எதிர்பார்ப்பு
தனுஷ் நடித்த ‘அனேகன்’ படத்தில் இடம்பெற்ற ‘டங்காபாரி ஊதாரி’ பாடல் சிறுவர் முதல் பெரியவர்கள் வரை அனைத்து தரப்பினர்களையும் கவர்ந்தது என்பது அறிந்ததே. மரணகானா விஜி இந்த பாடலை பாடினார்.
இந்நிலையில் சிவகார்த்திகேயனின் ‘ரெமோ’ படத்தில் அனிருத் இசையிலும் மரணகானா விஜி ஒரு பாடலை பாடியுள்ளதாகவும், இந்த பாடலும் ‘டங்காமாரி’ பாடலுக்கு இணையாக ஹிட் ஆகும் என்றும் சிவகார்த்திகேயன் உள்பட படக்குழுவினர் எதிர்பார்ப்பதாக செய்திகள் வெளிவந்துள்ளது.
24 ஏஎம் ஸ்டுடியோஸ் ஆர்.டி.ராஜா தயாரித்து வரும் இந்த படத்தில் சிவகார்த்திகேயன், கீர்த்திசுரேஷ், சதீஷ், கே.எஸ்.ரவிகுமார் உள்பட பலர் நடித்து வரும் இந்த படத்திற்கு பி.சி.ஸ்ரீராம் ஒளிப்பதிவும், ரூபன் படத்தொகுப்பும் செய்து வருகின்றனர். பாக்யராஜ் கண்ணன் இயக்கி வரும் இந்த படம் பெரும் எதிர்பார்ப்பை ஏற்படுத்தியுள்ளது என்பது குறிப்பிடத்தக்கது. இந்த படத்தின் டீசர் விரைவில் வெளிவரவுள்ளது என்பது குறிப்பிடத்தக்கது.
