ஸ்ரீவில்லிபுத்தூர் ஆண்டாள் கோவிலில் ‘மருது’ படக்குழுவினர்
கார்த்தி, லட்சுமிமேனன் நடித்த ‘கொம்பன்’ என்ற வெற்றிப்படத்தை இயக்கிய இயக்குனர் முத்தையா அடுத்து இயக்கி வரும் திரைப்படம் ‘மருது. இந்த படத்தில் விஷால், ஸ்ரீதிவ்யா, சூரி, ராதாரவி உள்பட பலர் நடித்து வருகின்றனர். இந்த படத்தின் படப்பிடிப்பு விருதுநகர் மாவட்டம் இராஜபாளையம் நகரில் நடைபெற்று வருகிறது.
இந்நிலையில் இந்த படப்பிடிப்பின் இடையே கிடைத்த ஓய்வு நேரத்தில் விஷால், சூரி உள்பட ‘மருது’ படக்குழுவினர் அனைவரும் அருகில் உள்ள ஸ்ரீவில்லிபுத்தூர் ஆண்டாள் கோவிலுக்கு சென்று சுவாமி தரிசனம் செய்துள்ளனர். இதுகுறித்த தகவல் டுவிட்டரில் புகைப்படத்துடன் வெளிவந்துள்ளது.
‘மருது’ படக்குழுவினர்களின் சிறப்பு தரிசனத்திற்காக கோவில் நிர்வாகம் ஏற்பாடு செய்துள்ளது. மேலும் இந்த கோவிலின் நிர்வாகிகள் மற்றும் பூசாரிகள் அனைவரும் ‘மருது’ படக்குழுவினர்களுடன் புகைப்படம் எடுத்து கொண்டனர் என்பது குறிப்பிடத்தக்கது. ஸ்ரீவில்லிபுத்தூர் ஆண்டாளை தரிசித்த பின்னர் மீண்டும் படப்பிடிப்பு தொடர்ந்து நடந்து வருகிறது.
