பல் துலக்காததால் 4 வயது மகளை கொன்ற தாய்
அமெரிக்காவை சேர்ந்த பெண் ஒருவர் தனது 4வயது மகள் பல் துலக்க மறுத்ததால் வயிற்றில் ஓங்கி அடித்து கொலை செய்து விட்டதாக வழக்கு பதிவு செய்யப்பட்டுள்ளது.
அமெரிக்காவில் உள்ள மேரிலாண்ட் என்ற பகுதியை சேர்ந்த 20 வயது பெண் ஹெர்னாண்டஸ் ரிவாஸ். இவருடைய நான்கு வயது மகள் கடந்த 26ஆம் தேதி பல்துலக்க மறுத்து அடம்பிடித்து கொண்டிருந்தார். இதனால் ஆத்திரம் அடைந்த ரிவாஸ் மகளின் வயிற்றில் ஓங்கி அடித்ததாகவும், இதன் காரணமாக வலியால் துடித்த சிறுமி சம்பவ இடத்திலேயே மரணம் அடைந்துவிட்டதாகவும் கூறப்படுகிறது.
இதுகுறித்து வழக்குப்பதிவு செய்த போலீசார் ரிவாஸை கைது செய்து விசாரணை செய்து வருகின்றனர்.
