சூர்யாவின் ‘மாஸ்’ அஜீத்தின் ‘என்னை அறிந்தால்’ படத்தை முந்தி விட்டதா?

ஓபனிங் வசூல் மற்றும் மாஸ் கலெக்ஷன் என்றால் கோலிவுட்டை பொறுத்தவரையில் அஜீத் மற்றும் விஜய் படங்களுக்கு மட்டுமே இருக்கும் என்பது குறிப்பிடத்தக்கது. மற்ற ஸ்டார்களின் படங்கள் விமர்சனங்களை பொறுத்து வசூலில் ஏற்ற இறக்கம் இருக்கும். ஆனால் நாளை வெளிவர இருக்கும் மாஸ் திரைப்படம் அஜீத்தின் என்னை அறிந்தால் படத்தின் வியாபாரத்தை முந்திவிட்டதாக செய்திகள் வெளிவந்துள்ளது.

சூர்யா நடித்த மாஸ் திரைப்படத்தின் வியாபார விபரங்கள்:

தமிழக உரிமை  ரூ.35 கோடி
வெளிநாட்டு உரிமை ரூ.,9 கோடி
ஆந்திரா மற்றும் தெலுங்கானா உரிமை ரூ.,10 கோடி
கர்நாடகா மாநில உரிமை ரூ.4 கோடி
கேரளா உரிமை ரூ.3கோடி
இந்தியாவின் இதர பகுதிகளின் உரிமை ரூ.50 லட்சம்
சாட்டிலைட் உரிமை ரூ.15 கோடி
ஆடியோ உரிமை ரூ.75 லட்சம்

என மாஸ் படத்தின் மொத்த வியாபாரம் ரூ.77கோடிக்கு ஆகியிருப்பதாகவும் கூறப்படுகிறது.

அஜீத்தின் ‘என்னை அறிந்தால்’ திரைப்படத்தின் வியாபாரம் விபரங்கள்:

தமிழக உரிமை ரூ.35 கோடி
கேரள உரிமை ரூ.2,4 கோடி
கர்நாடக உரிமை ரூ.2.25 கோடி
இந்தியாவின் மற்ற பகுதிகளின் உரிமையாக ரூ.60 லட்சம்
வெளிநாட்டு உரிமை ரூ.9 கோடி
சாட்டிலைட் உரிமை ரூ.14கோடி
ஆடியோ உரிமை மூலம் ரூ.1.5 கோடி

என என்னை அறிந்தால் படத்தின் மொத்த வியாபாரம் 64.75 கோடி என கூறப்படுகிறது.

இந்த புள்ளிவிபர கணக்கை வைத்து கொண்டு அஜீத் படத்தின் வசூலை சூர்யா படத்தின் வியாபாரம் முந்திவிட்டதாக இன்று காலை முதல் செய்திகள் வெளிவந்து கொண்டிருக்கின்றன. ஆனால் இந்த கணக்கில் சமீபத்தில் அஜீத்தின் என்னை அறிந்தால் படத்தின் ஆந்திர மற்றும் தெலுங்கானா உரிமைக்கான தொகை சேர்க்கப்படவில்லை என்பது குறிப்பிடத்தக்கது.

மேலும் சூர்யாவின் முந்தைய படமான அஞ்சான் இதைவிட அதிகமாக அதாவது ரூ.90 கோடிக்கு வியாபாரம் ஆனது. ஆனால் படம் படுதோல்வி அடைந்து பெரும் நஷ்டத்தை கொடுத்தது. ஆனால் சுமார் 65 கோடி ரூபாய்க்கு வியாபாரம் ஆன என்னை அறிந்தால் திரைப்படம் சுமார் ரூ.20 கோடி வரை லாபம் பெற்றது என்பதும் இன்னும் தெலுங்கு வசூல் மூலம் லாபம் கொடுத்து கொண்டுள்ளது என்பதும் குறிப்பிடத்தக்கது.

எனவே ஒரு படத்தின் வெற்றி தோல்வி என்பது வியாபாரத்தை வைத்து மட்டும் கணக்கிட கூடாது என்றும் வசூல் செய்யும் தொகையை வைத்துதான் வெற்றி தோல்வி நிர்ணயிக்கப்படும் என்றும் அஜீத் ரசிகர்கள் கூறுவருகின்றனர். அந்த வகையில் ரூ.77 கோடிக்கு வியாபாரம் ஆகியுள்ள ‘மாஸ்’ எத்தனை கோடி வசூல் செய்கிறது என்பதை வைத்துதான் அதன் வெற்றியை தீர்மானிக்க முடியும்,அதற்குள் அஜீத்தை சூர்யா முந்திவிட்டதாக செய்திகள் வெளிவருவது சரியல்ல என்றும் அஜீத் ரசிகர்கள் தங்கள் டுவிட்டரில் தெரிவித்துள்ளனர்.