மதுரையில் மாத்யூ ஹைடன்: மாணவர்களுடன் உரையாடல்
ஐபிஎல் தொடர் முடிவடைந்ததை அடுத்து தற்போது தமிழக பிரிமியர் கிரிக்கெட் தொடாருக்காக பணிகள் ஆரம்பமாகிவிட்டது. இந்த நிலையில் இதன் ஆரம்ப விழாவிற்காகஆஸ்திரேலிய அணியின் முன்னாள் வீரர் மாத்யூ ஹைடன் மதுரை வந்துள்ளார்.
கடந்த ஆண்டு தொடங்கப்பட்ட தமிழக பிரிமியர் கிரிக்கெட் நல்ல வரவேற்பை பெற்றதை அடுத்து இந்த ஆண்டும் நடக்கும் இத்தொடரில், தூத்துக்குடி, சென்னை, திண்டுக்கல், கோவை, காரைக்குடி, திருவள்ளூர், திருச்சி, மதுரை என மொத்தமாக 8 அணிகள் பங்கேற்கவுள்ளன. இந்த போட்டிகளை பிரபலப்படுத்தும் விதமாக கடந்த ஆண்டைப்போலவே இந்த ஆண்டும் ஆஸ்திரேலிய கிரிக்கெட் வீரர் மாத்யூ ஹைடன் தனது தமிழக சுற்றுப்பயணத்தை துவங்கியுள்ளார்.
முதலில் மதுரை வந்துள்ள ஹைடன் மதுரை சவுராஷ்டிரா கல்லுாரியில் நடந்த கலந்துரையாடலில் நிகழ்ச்சியில் பங்கேற்றார். அப்போது அவர் கூறுகையில்,’ தமிழகத்தில், கிரிக்கெட் ஆர்வமுள்ள திறமையான இளைஞர்கள் உள்ளனர். இளைஞர்களின் பிரச்னையை சரிசெய்யவும், கிரிக்கெட் ஆவலை அதிகரிக்கவும், டி.என்.பி.எல்., போட்டிகள் மூலம், சிறந்த கிரிக்கெட் வீரர்களை அடையாளம் கண்டுகொண்டு வருகிறோம். தமிழகத்துக்கு இரண்டாவது முறையாக தற்போது வந்துள்ளேன்.
இன்றைய காலகட்டத்தில் மாணவர்களிடம் பல திறமைகள் குவிந்து கிடக்கின்றது. நாடு விளையாட்டில் மட்டுமின்றி, பல துறைகளில் சிறப்பான முன்னேற்றம் காணும். இவ்வாறு ஹைடன் கூறினார்.
