மிர்ச்சி சிவா’வின் அடுத்த பட டைட்டில் ‘பின்லேடன்’
நகைச்சுவை நாயகராக கோலிவுட்டில் வலம் வந்து கொண்டிருக்கும் மிர்ச்சி சிவா ஏற்கனவே ‘அட்ரா மச்சான் விசிலு’ என்ற படத்தில் நடித்து வருகிறார். திரைவாணன் இயக்கி வரும் இந்த படத்தை என்.திருநாவுக்கரசு தயாரிக்கின்றார்.
இந்நிலையில் ‘பின்லேடன்’ என்னும் புதிய படத்தில் அவர் நடிக்க ஒப்புக்கொண்டிருக்கின்றார். அறிமுக இயக்குனர் அரவிந்த் இயக்கும் இந்த படத்தில் ‘பின்லேடன்’ ஒரு கேரக்டராக வருகிறாராம்.
அமெரிக்காவையே ஆட்டம் காண வைத்த பின்லேடன் திருச்சிக்கு வருவதாகவும், அவர் சந்திக்கும் பிரச்சனைகளுக்கு மிர்ச்சி சிவா தீர்த்து வைப்பதாகவும் கதை அமைந்துள்ளதாம்.
முழுக்க முழுக்க நகைச்சுவைக்கு முக்கியத்துவம் கொடுக்கப்பட்டுள்ள இந்த படத்தில் மிர்ச்சி சிவாவுக்கு ஜோடியாக நடிகை மாயா நடிக்கின்றார் என்பது குறிப்பிடத்தக்கது.
