ரஜினியுடன் மு.க.அழகிரி திடீர் சந்திப்பு
சூப்பர் ஸ்டார் ரஜினிகாந்த் நடித்த ‘கபாலி’ திரைப்படம் ரூ.300 கோடி வசூலை தாண்டி உலகம் முழுவதும் சூப்பர் ஹிட் ஆகியுள்ளது. இந்த வெற்றியை ரஜினி உள்பட கபாலி’ குழுவினர் அனைவரும் கொண்டாடி வருகின்றனர். இந்நிலையில் திமுக தலைவர் கருணாநிதியின் மகன் மு.க.அழகிரி நேற்று திடீரென ரஜினியை நேரில் சந்தித்தார். இந்த சந்திப்பின்போது அழகிரியின் மனைவியும் உடனிருந்தார் என்பது குறிப்பிடத்தக்கது.
ரஜினியின் உடல்நிலை குறித்தும், ‘கபாலி’ வெற்றி குறித்தும் ரஜினியிடம் மு.க.அழகிரி விசாரித்ததாக கூறப்படுகிறது. மேலும் தற்போதைய அரசியல் சூழ்நிலை குறித்தும் இருவரும் ஆலோசித்ததாகவும் தெரிகிறது.
ரஜினி அமெரிக்காவில் இருந்து திரும்பி வந்ததும் சந்திக்கும் முதல் அரசியல்தலைவர் அழகிரி என்பது குறிப்பிடத்தக்கது. இந்நிலையில் ரஜினியின் 2.0′ படத்தின் படப்பிடிப்பு அடுத்தவாரம் தொடங்கவுள்ளதாக செய்திகள் வெளிவந்து கொண்டிருக்கின்றன.
