2 ஆண்டுகளில் ஒருநாள் கூட விடுமுறை எடுக்காத பிரதமர் மோடி
பிரதமர் மோடி தலைமையிலான பாஜக ஆட்சி அமைத்து இன்றுடன் 2 ஆண்டுகள் நிறைவு பெறுகிறது. மூன்றாம் ஆண்டை பாஜக அரசு அடியெடுத்து வைத்துள்ள நிலையில் இதனை விமரிசையாக கொண்டாடும் வகையில் சிறப்பு ஏற்பாடுகளை பாஜக செய்துள்ளது. டெல்லியில் இன்று பிரம்மாண்டமான பேரணி ஒன்றுக்கு பாஜக தலைவர்கள் ஏற்பாடு செய்துள்ளனர். மேலும் மே 28-ம் தேதியன்று புதுடெல்லி இந்தியா கேட் பகுதியில் “முன்னேற்றப்படிகள்” என்ற தலைப்பில் பிரம்மாண்ட விழாவிற்கும் ஏற்பாடு செய்யப்பட்டுள்ளது.
இந்நிலையில் பிரதமர் பொறுப்பை ஏற்ற பிறகு கடந்த 2 ஆண்டுகளில் மோடியின் செயல்பாடுகள் எப்படி இருந்தன என்று உலக அளவில் பல்வேறு அமைப்புகள் ஆய்வுகள் நடத்தி தகவல்கள் வெளியிட்டுள்ளன. இந்த 2 ஆண்டுகளில் பிரதமர் மோடி மிகவும் சிறப்பாக செயல்பட்டு இருப்பதாக ஒட்டு மொத்த ஆய்வில் தெரியவந்துள்ளது.
இந்தியாவின் இந்த வேகமான முன்னேற்றத்துக்கு பிரதமர் மோடி எடுத்துள்ள முக்கிய முடிவுகளே காரணம் என்றும் சுட்டிக் காட்டப்பட்டுள்ளது. அதுமட்டுமின்றி பிரதமர் பதவி ஏற்ற பிறகு கடந்த 2 ஆண்டுகளில் ஒரு நாள் கூட விடுமுறை எடுக்கவில்லை என்று பிரதமர் அலுவலகம் தகவல் தெரிவித்துள்ளது.
