மோகன்லால்-கவுதமி படத்தின் ரிலீஸ் தேதி அறிவிப்பு
கடந்த 1997ஆம் ஆண்டு மோகன்லால்-கவுதமி ஜோடியில் வெளியான படம் மணிரத்னம் இயக்கிய ‘இருவர்’. சுமார் 20 ஆண்டுகள் கழித்து மீண்டும் இதே ஜோடி நடித்த படம் வரும் ஆகஸ்ட் 5ஆம் தேதி ரிலீஸ் ஆகவுள்ளது.
மோகன்லால், கவுதமி உள்பட பலர் நடிப்பில் மலையாளத்தில் உருவாகியுள்ள படம் ‘விஸ்மயம்’. இந்த படம் தமிழில் ‘நமது’ என்ற தலைப்பில் டப் ஆகியுள்ளது. மேலும் இந்த படம் கன்னடத்திலும் டப் செய்யப்பட்டு மூன்று மொழிகளிலும் வரும் ஆகஸ்ட் 5ஆம் தேதி வெளியாகவுள்ளது.
இந்த படத்தில் மேலும் ஊர்வசி, எஸ்.பி.பாலசுப்பிரமணியம், நெடுமுடிவேணு, நாசர் உள்ளிட்ட பலர் நடித்துள்ளனர். சந்திரசேகர் இயக்கியுள்ள இந்த படம் சீரியஸான குடும்பக்கதை என்றும் தமிழ் ஆடியன்ஸ்களுக்கு இந்த படம் மிகவும் பிடிக்கும் என்றும் இயக்குனர் சந்திரசேகர் கூறியுள்ளார். விரைவில் சென்னையில் இந்த படத்தின் புரமோஷன் விழா நடைபெறவுள்ளதாகவும் அதில் மோகன்லால் மற்றும் கவுதமி கலந்து கொள்ளவுள்ளதாகவும் கூறப்படுகிறது.
