மோனிகாசிவா விஜய் மகளாக நடிக்கவில்லை. படக்குழுவினர் விளக்கம்
இளையதளபதி விஜய் நடித்த ‘தெறி’ படத்தை போலவே அவர் நடித்து வரும் அடுத்த படமான ‘விஜய் 60’ படத்திலும் ஒரு குழந்தை நட்சத்திரம் மோனிகா சிவா நடிக்கவுள்ளதாக செய்திகள் வெளிவந்த நிலையில், ஒருசில இணையதளங்கள் மோனிகா சிவா விஜய்யின் மகளாக நடிப்பதாக செய்திகள் வெளியிட்டிருந்தன.
இந்நிலையில் இதற்கு தற்போது படக்குழுவினர் தரப்பில் இருந்து மறுப்பு அளிக்கப்பட்டுள்ளது. மோனிகா சிவா ‘விஜய் 60′ படத்தில் முக்கிய கேரக்டரில் நடிக்கின்றார். ஆனால் விஜய்யின் மகளாக நடிக்கவில்லை. இருப்பினும் இருவரும் இணைந்து வரும் காட்சிகள் இந்த படத்தில் அதிகம் இருக்கும்’ என்று கூறப்பட்டுள்ளது.
விஜய் வெளிநாட்டில் இருந்து திரும்பி வந்ததும் அடுத்தகட்ட படப்பிடிப்பில் விஜய்யுடன் மோனிகாசிவா இணைவார் என்று எதிர்பார்க்கப்படுகிறது. விஜய், கீர்த்திசுரேஷ், சதீஷ், ஜெகபதிபாபு உள்ளிட்ட பலர் நடித்து வரும் இந்த படத்தினை ‘அழகிய தமிழ்மகன்’ பரதன் இயக்கி வருகிறார்.
