சிம்புவின் அடுத்த படத்திற்கு ரஜினி பட டைட்டில்?
ஏற்கனவே சூப்பர் ஸ்டார் ரஜினிகாந்த் நடித்த ‘பாயும் புலி, மாப்பிள்ளை, தங்கமகன், மனிதன், தனிக்காட்டு ராஜா உள்பட பல படங்களின் டைட்டில்களை தற்போதைய இளையதலைமுறை நடிகர்கள் பயன்படுத்தி வரும் நிலையில் சிம்பு நடிக்கவுள்ள ஒரு படத்திற்கும் ரஜினி பட டைட்டில் வைக்கப்படவுள்ளதாக செய்திகள் வெளிவந்துள்ளது.
‘இது நம்ம ஆளு’, அச்சம் என்பது மடமையடா’ படங்களுக்கு பின்னர் ஆதிக் ரவிச்சந்திரன் இயக்கத்தில் ஒரு பெரிய பட்ஜெட் படத்தில் சிம்பு நடிக்கவுள்ளார். இந்த படத்தில் சிம்பு மூன்று வேடங்களில் நடிக்கவுள்ளதாகவும், அவருக்கு ஜோடியாக இரண்டு முன்னணி நடிக்கவுள்ளதாகவும் கூறப்படுகிறது.
இந்த படத்திற்கு ‘மூன்று முகம்’ என்ற டைட்டில் வைக்க திட்டமிடப்பட்டுள்ளதாகவும், இந்த டைட்டிலுக்கு அனுமதி கேட்பது குறித்த பேச்சுவார்த்தை நடந்து வருவதாக கூறப்படுகிறது. விஷால், தனுஷ், விஜய்சேதுபதி, உதயநிதி, ஆர்யாவை அடுத்து தற்போது சிம்பு நடிக்கும் படத்திற்கும் ரஜினி பட டைட்டில் தேர்வு செய்யப்பட்டிருக்கின்றது என்பது குறிப்பிடத்தக்கது.
