உலகின் மிக பிரபலமானவர்கள் பட்டியல் வெளியீடு. மோடிக்கு 7-வது இடம்
பிரிட்டன் நாட்டை சேர்ந்த தனியார் நிறுவனம் ஒன்று உலகின் மிகப் பிரபலமான தலைவர்கள் குறித்த பட்டியல் ஒன்றை எடுத்துள்ளது. இந்த பட்டியலில் அமெரிக்க அதிபர் ஒபாமா முதலிடத்திலும், பாரத பிரதமர் நரேந்திர மோடி 7-வது இடத்திலும் உள்ளனர்.
பிரிட்டனைச் சேர்ந்த ஓ.ஆர்.பி இன்டர்நேஷனல் என்ற அமைப்பு உலகில் உள்ள 65 நாடுகளில் உள்ள மக்களிடம் கருத்தை கேட்டு உலகின் பிரபலமான தலைவர் யார்? என்ற கருத்துக் கணிப்பை நடத்தியது. இந்த கருத்துக்கணிப்பின் முடிவு இன்று வெளியாகியுள்ளது. அதன்படி உலகளவில் மிகவும் பிரபலமான தலைவராக அமெரிக்க அதிபர் ஒபாமா தேர்வு செய்யப்பட்டுள்ளார். அவருக்கு ஆதரவாக 59 சதவீதம் பேரும், அவரை விரும்பவில்லை என்று 29 சதவீதம் பேரும் கருத்துத் தெரிவித்துள்ளனர்.
1. அமெரிக்க அதிபர் ஒபாமா
2.ஜெர்மன் பிரதமர் ஏஞ்சலா மெர்க்கல்
3.பிரிட்டன் பிரதமர் டேவிட் கேமரூன்
4.பிரான்ஸ் அதிபர் பிரான்சுவா ஹொலாந்த்
5.ரஷ்ய அதிபர் விளாதிமிர் புதின்
6.சீன அதிபர் ஜீ ஜின்பிங்
7.இந்திய பிரதமர் நரேந்திர மோடி
8.பிரேசில் அதிபர் தில்மா ரூசெஃப்
9.சவூதி அரேபிய மன்னர் சல்மான் பின் அப்துலாசிஸ்
10.ஈரான் அதிபர் ஹஸன் ரூஹான்
இந்திய பிரதமர் நரேந்திர மோடியை ஆதரித்து 24 சதவீதம் பேரும், அவரை விரும்பவில்லை என்று 20 சதவீதம் பேரும் கருத்துத் தெரிவித்துள்ளனர் என்பது குறிப்பிடத்தக்கது.
