ஐந்தே வினாடிகளில் தகர்க்கப்பட்ட மெளலிவாக்கம் கட்டிடம்.
சென்னை மெளலிவாக்கத்தில் உள்ள 11 மாடி கட்டிடம் இன்று மாலை 5 மணிக்கே இடிக்கப்படும் என்று கூறப்பட்ட நிலையில் ஒருசில தொழில்நுட்ப காரணத்தினால் தாமதம் ஆனது.
இறுதியில் தொழிநுட்ப கோளாறுகள் சரி செய்யப்பட்டு 7 மணி அளவில் தகர்க்கப்பட்டது. ரிமோட் கண்ட்ரோல் மூலம் இந்த கட்டிடம் ஐந்தே வினாடிகளில் தகர்க்கப்பட்டது.
முன்னதாக இந்த கட்டிடத்தின் அருகில் யாரும் செல்ல முடியாத அளவில் பாதுகாப்பு ஏற்பாடுகள் பலப்படுத்தப்பட்டிருந்தன. இந்த கட்டிடம் இடிந்து தரை மட்டமானதும் அந்த இடத்தைச் சுற்றிலும் கடும் புழுதி பறந்தது. இம்ப்லோஷன் என்ற முறையில் இந்தப் பணி வெற்றிகரமாக செய்து முடிக்கப்பட்டதாக தெரிவிக்கப்பட்டுள்ளது. இந்த முறையில் கட்டிடம் தகர்க்கப்பட்டது தமிழகத்தில் இதுதான் முதல்முறை என்பது குறிப்பிடத்தக்கது.
