தமிழ் மற்றும் தெலுங்கு திரையுலக ரசிகர்களை தனது கவர்ச்சியால் கட்டி போட்டு வைத்திருந்த நடிகை நமீதா, சமீபகாலமாக படங்களில் நடிப்பதை குறைத்து கொண்டார். கடை திறப்பு விழா மற்றும் தொலைக்காட்சி நிகழ்ச்சிகளில் பங்கு பெற்று அவர் ரியல் எஸ்டேட் தொழிலும் இறங்கியுள்ளதாக கூறப்படுகிறது.
விஜயகாந்த் நடித்த ‘எங்கள் அண்ணா’ படத்தில் அறிமுகமான நமீதா அதன்பின்னர் நடித்த பில்லா, அழகிய தமிழ்மகன், ஆணை, வியாபாரி, நான் அவன் இல்லை, தீ, ஜகன்மோகினி, போன்ற படங்கள் சூப்பர் ஹிட் ஆனவை என்பது குறிப்பிடத்தக்கது.
அவ்வப்போது பல கிசுகிசுக்களில் சிக்கி வரும் நமீதா, கடந்த 2011 ஆம் ஆண்டு ‘நமீதா ஐ லவ் யூ’ என்ற கன்னட படத்தில் நடித்தார். மிகவும் கிளாமராக இந்த படத்தில் அவர் நடித்த பல காட்சிகள் சென்சார் செய்தபோது வெட்டி தள்ளப்பட்டதாக கூறப்பட்டது. தற்போது சென்சாரில் வெட்டப்பட்ட சில காட்சிகள் வீடியோ வடிவில் யூடியூப் இணையதளத்திலும், வாட்ஸ் அப் போன்ற சமூக வலைத்தளங்களிலும் வெளிவந்துள்ளதாக பரபரப்பான செய்திகள் வெளிவந்துள்ளது.
தற்போது நமீதா எந்த படத்திலும் நடிக்காமல் சினிமாவில் இருந்து ஒதுங்கியிருந்தாலும், அவரை பற்றிய பரபரப்பான செய்திகளுக்கு பஞ்சமே இருந்ததில்லை என்பது மட்டும் உறுதியாகிறது.
