ஸ்டீபன் ஸ்பீல்பெர்க்கின் ‘The BFG’ படத்தில் நாசர்
தமிழ் திரையுலகின் வில்லன் மற்றும் குணசித்திர நடிகராக விளங்கி வரும் நடிகரும், நடிகர் சங்கத்தலைவருமான நாசர், முதன்முதலாக ஹாலிவுட் படத்தில் பணிபுரியவுள்ளார். அதுவும் உலக அளவில் புகழ்பெற்ற இயக்குனர் ஸ்டீபன் ஸ்பீல்பெர்க் இயக்கிய ‘The BFG என்ற ஹாலிவுட் படத்தில் அவர் இணைந்துள்ளார்.
‘The BFG’ படம் உலகம் முழுவதும் ஜூலை 29 ஆம் தேதி தமிழ் உள்பட பல இந்திய மொழிகளில் வெளியாகவுள்ளது. இந்த படத்தின் தமிழ் பதிப்பில் ஒரு முக்கிய கேரக்டருக்கு நாசர் பின்னணி பேசியுள்ளார் என்பது குறிப்பிடத்தக்கது. இந்த படத்தின் தமிழ் போஸ்டரிலும் ‘நாசரின் குரலில்’ என்று விளம்பரம் செய்யப்பட்டுள்ளது.
நாசர் டப்பிங் கொடுத்துள்ள அதே கேரக்டருக்கு தெலுங்கு பதிப்பில் ‘லிங்கா’ பட வில்லன் நடிகரும், பிரபல தெலுங்கு நடிகருமான ஜெகபதி பாபு குரல் கொடுத்துள்ளார் என்பது குறிப்பிடத்தக்கது.
சுமார் 140 மில்லியன் பட்ஜெட்டில் மிகவும் பிரமாண்டமாகவும் கிராபிக்ஸ் காட்சிகளுடன் தயாரிக்கப்பட்டுள்ள இந்த படம் பெரும் எதிர்பார்ப்பை ஏற்படுத்தியுள்ளது என்பது குறிப்பிடத்தக்கது.
