இயக்குனர் ரவி.கே.சந்திரன் இயக்கிய யான் படத்திற்குப் பிறகு ஜீவா தற்போது ‘கவலை வேண்டாம்’ என்ற படத்தில் நடிக்கவிருக்கின்றார். இப்படத்தை ‘யாமிருக்க பயமே’ படத்தை இயக்கிய டிகே இயக்குகிறார். இப்படத்தில் ஜீவாவுடன் இணைந்து முதன்முதலாக பாபி சிம்ஹா சிறப்பு தோற்றத்தில் நடிக்கவிருக்கிறார். ரொமாண்டிக் மற்றும் நகைச்சுவை படமாக அமையவுள்ள இந்த திரைப்படத்தின் படப்பிடிப்பு வரும் மே மாதம் முதல் தொடங்கவுள்ளது.
இந்நிலையில் கருணாஸ் நடித்த ‘அம்பாசமுத்திரம் அம்பானி’ படத்தை இயக்கிய இயக்குனர் ராம்நாத் இயக்கும் புதிய படத்தில் ஜீவா நடிக்க உள்ளதாகவும் இந்த படம் முழுக்க முழுக்க காமெடி படமாக படமாக்கவுள்ளதாகவும் செய்திகள் வெளிவந்துள்ளது.
இந்த புதுப்படத்தில் ஜீவாவிற்கு ஜோடியாக நயன்தாரா நடிக்கவுள்ளதாக செய்திகள் வெளியாகியுள்ளது. ஏற்கனவே ஜீவாவுடன் நயன்தாரா கடந்த 2006ஆம் ஆண்டு ‘ஈ’ என்ற படத்தில் நடித்திருந்தார். இப்படத்தை ஜனநாதன் இயக்கியிருந்தார். 9 ஆண்டுகளுக்கு பிறகு ஆர்யா-நயன்தாரா ஜோடியாக நடித்த ‘பாஸ் என்கிற பாஸ்கரன்’ படத்தில் ஜீவா சிறப்புத் தோற்றத்தில் நடித்திருந்தார்.
தற்போது அப்படத்திற்குப் பிறகு மீண்டும் இருவரும் இணைகிறார்கள். இன்னும் பெயரிடப்படாத இப்படம் பற்றிய அதிகாரப்பூர்வமாக அறிவிப்பை விரைவில் வெளியிடவுள்ளனர்
