நயன்தாராவின் அடுத்த பட டைட்டில் ‘டோரா’. அனிருத் அறிவிப்பு
தமிழ் சினிமாவின் லேடி சூப்பர் ஸ்டார் என்று கூறப்படும் நயன்தாரா நடித்த ‘திருநாள்’ மற்றும் ‘காஷ்மோரா’ ஆகிய படங்களின் படப்பிடிப்புகள் முடிவடைந்துவிட்டன. அவர் தற்போது ‘இருமுகன்’ மற்றும் சற்குணம் தயாரிக்கும் படங்களில் நடித்து வருகிறார்.
இந்நிலையில் சற்குணம் தயாரிக்கும் படத்தின் டைட்டில் தற்போது அறிவிக்கப்பட்டுள்ளது. இந்த படத்திற்கு ‘டோரா’ என்ற டைட்டில் உறுதி செய்யப்பட்டுள்ளது. இந்த டைட்டிலை இசையமைப்பாளர் அனிருத் அதிகாரபூர்வமாக தனது டுவிட்டரில் அறிவித்துள்ளார்.
நயன்தாரா, தம்பி ராமையா, ஹரிஷ் உத்தமன் உள்பட பலர் நடிக்கும் இந்த படத்தை சற்குணம் உதவியாளர் தாஸ் ராமசாமி இயக்கி வருகிறார். விவேக்-மெர்வின் என்னும் இரட்டையர்கள் இசையமைக்கும் இந்த படத்திற்கு தினேஷ் ஒளிப்பதிவு செய்கிறார்.
‘மாயா’ வெற்றி படத்தை அடுத்து நயன்தாரா நடிக்கும் அடுத்த திகில் படம் ‘டோரா’ என்பது குறிப்பிடத்தக்கது.
