நயன்தாராவின் ‘டோரா’வுக்கு ‘ஏ’ சர்டிபிகேட்?
லேடி சூப்பர் ஸ்டார் என்று அழைக்கப்படும் நயன்தாரா நடித்த ‘டோரா’ திரைப்படம் மார்ச் மாதம் 31ஆம் தேதி ரிலீஸ் ஆகவுள்ள நிலையில் இந்த படம் சென்சார் செய்யப்பட்டுவிட்டதாகவும், சென்சார் அதிகாரிகள் படத்திற்கு ‘ஏ’ சர்டிபிகேட் கொடுத்துள்ளதாகவும் செய்திகள் வெளிவந்துள்ளது. ஆனால் படக்குழுவினர் இதனை உறுதி செய்யவில்லை
ஏற்கனவே’ டோரா’ என்ற டைட்டிலால் இந்த படத்திற்கு தமிழக அரசின் 30% வரிவிலக்கு கிடைக்க வாய்ப்பில்லை என்று கூறப்படும் நிலையில் இந்த படத்திற்கு ‘ஏ’ சர்டிபிகேட் கொடுக்கப்பட்டுள்ளதாக செய்தி வந்துள்ளது என்பது குறிப்பிடத்தக்கது.
நயன்தாரா, தம்பிராமையா, ஹரிஷ் உத்தமன் உள்பட பலர் நடித்துள்ள இந்த படத்திற்கு தினேஷ் கிருஷ்ணன் ஒளிப்பதிவும், கோபிகிருஷ்ணா படத்தொகுப்பும் செய்துள்ளனர். மேலும் இந்த படத்திற்கு விவேக்-மெர்வின் இரட்டையர்கள் இசையமைத்துள்ளனர். இவர்களுடைய இசையில் அனிருத் ‘ரா ரா ரா’ என்ற பாடலை பாடியுள்ளார் என்பதும் அந்த பாடல் சமீபத்தில் வெளியாகி மிகப்பெரிய ஹிட்டானது என்பதும் குறிப்பிடத்தக்கது.
