எத்தனை குட்டிகரணம் அடித்தாலும் திமுக தேர்தலில் வெற்றி பெற முடியாது. நெடுமாறன்
திமுக பொருளாளர் மு.க.ஸ்டாலின் ‘நமக்கு நாமே’ என்ற பயணத்திட்டத்தை கடந்த சில நாட்களுக்கு முன்னர் ஆரம்பித்து மக்களை நேரடியாக சந்தித்து குறைகளை கேட்டு வருகிறார். ஸ்டாலினின் பயணத்திற்கு பொதுமக்களிடையே நல்ல வரவேற்பு இருப்பதாக கூறப்படும் நிலையில் ஒருசில அரசியல் கட்சிகளிடம் இருந்து இந்த பயணத்திற்கு கிண்டலும் கேலியுடன் கூடிய விமர்சனங்களும் வந்து கொண்டிருக்கின்றது.
இந்நிலையில் கடந்த திமுக ஆட்சியின் போது துணை முதல்வராக இருந்த மு.க.ஸ்டாலின் அப்போது மக்களை சந்திக்காமல் இப்போது மட்டும் ஏன் சந்திக்கின்றார்? என்றும் இதுபோன்ற எத்தனை குட்டிகரணம் அடித்தாலும் திமுக வரும் தேர்தலில் வெற்றி பெற முடியாது என்றும் தமிழர் தேசிய முன்னணி தலைவர் பழ.நெடுமாறன் கூறியுள்ளார்.
இதுகுறித்து அவர் மேலும் கூறியதாவது: ” கடந்த 30 ஆண்டுகளாக தமிழக மீனவர்கள் தாக்கப்பட்டும் இந்திய கடல்படை தமிழக மீனவர்களை இந்திய குடிமக்களாக கருதாதது கண்டிக்கத்தக்கது. நமக்கு நாமே பயணம் மேற்கொண்டுள்ள ஸ்டாலின் சைக்கிள், ஆட்டோ, டூவீலர் என பல்வேறு வாகனங்களில் கலர் கலர் சட்டை அணிந்து வலம் வருகிறார். எத்தனை குட்டிகரணம் அடித்தாலும் திமுக தேர்தலில் வெற்றி பெற முடியாது.
மு.க.ஸ்டாலின் துணை முதல்வராக இருந்தபோது தமிழக மக்களை இதுபோல சந்தித்ததுண்டா? சென்னையில் சாலைகள் சரி இல்லை என்றும் தண்ணீர் வரவில்லை என்றும் கூறும் ஸ்டாலின் இவர் சென்னையின் மேயராக இருந்தபோது அதனைச் செய்தாரா? என கேள்வி எழுப்பினார்.
த
