ஆப்பிள் நிறுவனத்தின் அடுத்த ஐபோன் கருவியானது நான்கு நிறங்களில் வெளியாகும் என கூறப்படுகின்றது. சமீபத்தில் வெளியான சில தொகுப்புகளில் புதிய ஐபோன் கருவி பிரில்லியன்ட் பின்க் நிறம் மட்டுமல்லாது கூடுதலாக நான்கு நிறங்களில் வெளியாகலாம் என கூறப்பட்டுள்ளது.
பெரும்பாலும் ஐபோன் 6எஸ் போன்றே ஆப்பிள் நிறுவனம் இம்முறை ரோஸ் கோல்டு, சில்வர், ஸ்பேஸ் கிரே மற்றும் கோல்டு நிறங்களில் வெளியிடும் என்றே தெரிகின்றது.
ஆப்பிள் நிறுவனம் அடுத்து வெளியிட இருக்கும் கருவி ஐபோன் 5 மற்றும் ஐபோன் 6 இணைத்ததாகவே இருக்கும் என்றும் பெரும்பாலும் இது ஆப்பிள் நிறுவனத்தின் முந்தைய கருவிகளை போன்றே சிறியதாக இருக்கும் என்றே கூறப்படுகின்றது. அதன் படி புதிய ஐபோன் கருவியானது மார்ச் மாதம் 15 ஆம் தேதி அறிமுகம் செய்யப்படும் என்றே இதுவரை வெளியாகி இருக்கும் தகவல்களில் கூறப்பட்டுள்ளது. அறிமுகம் செய்த சில வாரங்களில் விற்பனைக்கு வரும் என்றும் கூறப்படுகின்றது.
சில தகவல்களில் ஆப்பிள் நிறுவனம் புதிய கருவியை ரோஸ் கோல்டு இல்லாமல் ப்ரில்லியன்ட் பின்க், நிறத்தில் வெளியிடும் என்றும் கூறப்படுகின்றது. முந்தை ஐபோன் 5சி போன்றே இந்த கருவியும் விலை குறைவாக இருக்கும் என்றும் கூறப்படுகின்றது.
