செல்பி புகைப்படம் தெரியும். செல்பி காப்பி தெரியுமா?
இன்றைய இளையதலைமுறையினர் மட்டுமின்றி அனைத்து வயதினர்களையும் ஆட்டுவித்து வரும் விஷயம் ஒன்று செல்பி. இந்த செல்பி மோகம் வளர வளர, வியாபாரிகளும் செல்பியை ஒட்டியே தங்கள் வியாபார உத்திகளை செய்து வருகின்றனர்.
செல்பி போட்டோ எளிமையாக எடுக்கும் வகையில் புதிய மாடல் செல்போன், 3டி பிரிண்டர் தொழில்நுட்பம் அடிப்படையில் செல்பி புகைப்படங்கலை காப்பி எடுக்கும் இயந்திரம் போன்ற பல விஷயங்கள் செல்பியால் அறிமுகமாகி வரும் நிலையில் லண்டனில் உள்ள காபி ஷாப் ஒன்று செல்பி புகைப்பட காபி ஒன்றை அறிமுகப்படுத்தியுள்ளது.
நீங்கள் எடுத்த செல்பி புகைப்படம் ஒன்றை இந்த காபிஷாப்பில் கொடுத்தால் நீங்கள் ஆர்டர் செய்யும் காபியின் மேல் அந்த புகைப்படம் நுரையுடன் அழகாக இருக்கும் வகையில் காபி தயார் செய்து உங்களுக்கு பரிமாறுவார்கள்.
இதற்கென தனியாக எக்ஸ்ட்ரா கட்டணம் எதுவுமில்லை. இந்த செல்பி காபியை குடிப்பதற்காக இளைஞர் பட்டாளம் இந்த காபி ஷாப்பை நோக்கி படையெடுத்து செல்வதாக கூறப்படுகிறது.
