ஐ.எஸ்.இயக்கத்துக்கும் ஆர்.எஸ்.எஸ் இயக்கத்திற்கும் பெரிய வேறுபாடு இல்லை. குலாம் நபி ஆசாத்
பாஜகவுடன் நெருங்கிய உறவு வைத்துள்ள கட்சிகளில் ஒன்று ஆர்.எஸ்.எஸ். இயக்கம். ஆனால் ஆர்.எஸ்.எஸ். இயக்கத்தை தொடர்ந்து எதிர்த்து வரும் ஒரு கட்சி காங்கிரஸ். இந்நிலையில் உலகையே அச்சுறுத்தி வரும் ஐ.எஸ்.ஐ.எஸ்.ஐ இயக்கத்திற்கும் ஆர்.எஸ்.எஸ். இயக்கத்திற்கு எவ்வித வேறுபாடும் இல்லை என்ற கருத்தில் காங்கிரஸ் கட்சியின் மூத்த தலைவர் குலாம் நபி ஆசாத் கூறியுள்ளதாக செய்திகள் வெளிவந்துள்ளது.
ஜாமியத் உலமா இ ஹிந்த் என்ற இயக்கத்தின் சார்பில் நடைபெற்ற விழா ஒன்று நேற்று புதுடெல்லியில் நடைபெற்றது. இந்த விழாவில் கலந்து கொண்ட குலாம்நபி ஆசாத் பேசியபோது, “நாம் ஆர்.எஸ்,எஸ் இயக்கத்தை எதிர்ப்பதை போலவேதான் ஐ.எஸ்.இயக்கத்தையும் எதிர்க்கின்றோம். ஆர்.எஸ்.எஸ் மட்டுமல்ல, தவறான செயல்கள் செய்யும் எந்த இயக்கமும் ஐ.எஸ். இயக்கத்துக்கு சளைத்தது அல்ல என்று கூறியுள்ளார்.
குலாம் நபி ஆசாத்தின் இந்த கருத்துக்கு ஆர்.எஸ்.எஸ். கடும் கண்டனம் தெரிவித்துள்ளது. இதுகுறித்து குலாம் நபி மீது சட்டபூர்வமான நடவடிக்கை எடுக்கவும் அக்கட்சி முடிவெடுத்துள்ளதாக கூறப்படுகிறது.
