கச்சா எண்ணெய் கொள்முதலுக்காக ஏராளமான செல்வத்தை செலவிடும் பன்னாட்டு அரசுகளின் செயல்பாடுகளுக்கு எதிர்ப்பு தெரிவித்து பிரேசில், ஆஸ்திரேலியா, நியூசிலாந்து ஆகிய நாடுகளில் சமூக அக்கறையுள்ள ஒரு குழுவினர் நிர்வாணமாக சைக்கிளில் ஊர்வலம் சென்று தங்கள் எதிர்ப்பை காட்டி வருகின்றனர். இதனால் பெரும் பரபரப்பு ஏற்பட்டுள்ளது.
பெட்ரோல், டீசல் பயன்பாட்டை மட்டுமே நம்பிக்கொண்டு சுற்றுச்சூழலை மாசுப்படுத்தும் தற்கால வாழ்க்கை முறையை கண்டித்தும் பெட்ரோல் டீசலுக்கு மாற்றாக பயோ டீசல் தொழில்நுட்பத்தை விரிவுபடுத்த வலியுறுத்தியும் ஏராளமான ஆண்கள் மற்றும் பெண்கள் முழு நிர்வாணமாக சைக்கிள் ஊர்வலம் சென்று மக்களின் கவனத்தை தங்கள் பக்கம் ஈர்த்து வருகின்றனர்.
ஆஸ்திரேலியா, நியூசிலாந்து நாடுகளின் முக்கிய நகரங்களில் தங்கள் நிர்வாண ஊர்வலத்தை சமீபத்தில் நடத்திய இந்த அமைப்பினர் நேற்று அமெரிக்காவின் சான் பிரான்சிஸ்கோ நகரின் பல முக்கிய பகுதிகளின் வழியாக உடைகள் ஏதும் அணியாமல் நிர்வாணமாக சைக்கிள் ஊர்வலம் சென்றனர். இந்த ஊர்வலத்தை பொதுமக்கள் பலர் கூச்சத்துடனும் ஒருசிலர் ஆர்வத்துடனும் பார்த்து புகைப்படம் மற்றும் வீடியோக்களை எடுத்து இணையத்தில் பதிவு செய்துள்ளனர்.
