‘ஓகே கண்மணி’ படத்தின் இந்தி டைட்டில் ‘ஓகே ஜானு’
மணிரத்னம் இயக்கிய ‘ஓகே கண்மணி’ திரைப்படம் கடந்த ஆண்டு தமிழ், தெலுங்கு ஆகிய இரு மொழிகளில் வெளியாகி சூப்பர் ஹிட் பெற்ற நிலையில் தற்போது இந்த படம் பாலிவுட்டில் ரீமேக் ஆகி வருகிறது. துல்கர் சல்மான் வேடத்தில் அர்ஜூன் கபூரும், நித்யா மேனன் வேடத்தில் ஷ்ராதா கபூரும் நடித்து வருகின்றனர்.
இந்த படத்தை மணிரத்னம் அவர்களிடம் உதவி இயக்குனராக இருந்த ஷாஹத் அலி இயக்கி வருகிறார். ஏ.ஆர்.ரஹ்மான் இசையமைக்கும் இந்த படத்தை பிரபல பாலிவுட் தயாரிப்பாளர் மற்றும் இயக்குனரான கரண்ஜோஹர் தயாரித்து வருகின்றார்.
இந்நிலையில் இந்த படத்தின் டைட்டிலுடன் கூடிய ஃபர்ஸ்ட்லுக் தற்போது வெளிவந்துள்ளது. இந்த படத்திற்கு இந்தியில் ‘ஓகே ஜானு’ என்ற டைட்டில் வைக்கப்பட்டுள்ளது என்பது குறிப்பிடத்தக்கது.
விறுவிறுப்பாக படப்பிடிப்பு நடைபெற்று வரும் இந்த படம் வரும் மே மாதம் ரிலீஸ் ஆகும் என எதிர்பார்க்கப்படுகிறது. தமிழ், தெலுங்கில் வெற்றி பெற்ற இந்த படம் பாலிவுட்டிலும் மிகப்பெரிய வெற்றியை பெறும் என எதிர்பார்க்கப்படுகிறது.
