அமெரிக்கா: பரபரப்பான சாலையில் திடீரென இறங்கிய விமானம்
விண்ணில் பறந்து கொண்டிருக்கும் விமானங்களில் திடீரென கோளாறு ஏற்பட்டால் அவசரத்திற்கு ஏதாவது ஒரு இடத்தில் இறக்கப்படுவது சஜகம்தான். ஆனால் அமெரிக்காவில் இதுபோன்ற சந்தர்ப்பங்களில் பலமுறை பிசியான சாலையின் நடுவே விமானங்கள் இறக்கப்படுவது தொடர்கதையாகி வருகிறது.
அமெரிக்காவில் உள்ள கலிபோர்னியா மாகாணத்தில் உள்ள ரெட் ஹில் அவென்யூ என்ற பகுதியில், சிக்னலில் வாகனங்கள் காத்துக்கொண்டிருந்த நேரத்தில் திடீரென நடு சாலையில் ஒரு சிறிய ரக விமானம் இறங்கியதால் பெரும் பரபரப்பு ஏற்பட்டது. சாலைகளில் வாகனங்களில் சென்று கொண்டிருந்தவர்கள் பலரும் இச்சம்பவத்தால் திடுக்கிட்டுப் போயினர். தரையிறங்கியது ஒரு சிறிய ரக விமானம் என்பதால் அங்கு நின்றிருந்த மற்ற வாகனங்கள் எதிலும் விமானம் மோதவில்லை.
இதேபோன்று கடந்த ஜூலை மாதம் அமெரிக்காவின் நியூ ஜெர்சி பகுதியில் இதே போன்று, ஒரு முக்கிய ஹைவேயில் எரிபொருள் இல்லாத காரணத்தால், திடீரென விமானம் தரையிறங்கியது என்பது குறிப்பிடத்தக்கது.
