துணை குடியரசு தலைவர் வேட்பாளராக வெங்கையா நாயுடு: ஓபிஎஸ், ஈபிஎஸ் ஆதரவு
துணை குடியரசுத் தலைவர் வேட்பாளராக அறிவிக்கப்பட்டுள்ள வெங்கய்ய நாயுடுவிற்கு, ஓபிஎஸ் அணி ஆதரவு அளித்துள்ளது.
நாடு முழுவதும் குடியரசுத் தலைவர் தேர்தல் இன்று நடைபெற்றது. அதில் பாஜக தலைமையிலான கூட்டணி வேட்பாளர் ராம்நாத் கோவிந்த் வெற்றி பெறுவார் என்று எதிர்பார்க்கப்படுகிறது. இந்நிலையில் அந்த கூட்டணி சார்பில் துணை குடியரசுத் தலைவர் வேட்பாளர் இன்று அறிவிக்கப்பட்டுள்ளார். அதன்படி எதிர்க்கட்சி வேட்பாளரான கோபால கிருஷ்ண காந்தியை, மத்திய அமைச்சர் வெங்கய்ய நாயுடு எதிர்கொள்கிறார்.
இதற்கிடையில் வெங்கய்ய நாயுடுவிற்கு ஓபிஎஸ் அணியினர் ஆதரவு தெரிவித்துள்ளனர். இதுதொடர்பாக வெளியிடப்பட்டுள்ள அறிக்கையில், பிரதமர் மோடி தொலைபேசி வாயிலாக ஆதரவு கேட்டதை அடுத்து, அதிமுக புரட்சி தலைவி அம்மா அணி தங்கள் ஆதரவை அளிப்பதாக அறிவித்துள்ளனர்.
இதேபோல் முதல்வர் ஈபிஎஸ் அவர்களிடமும் பிரதமர் மோடி ஆதரவு கேட்டதாகவும் அதற்கு ஈபிஎஸ் ஆதரவு தருவதாக உறுதி அளித்துள்ளதாகவும் தகவல்கள் வெளிவந்துள்ளது.
