ஓபிஎஸ் – சசிகலா திடீர் சந்திப்பு. ஜல்லிக்கட்டு குறித்து ஆலோசனையா?
ஜல்லிக்கட்டுக்காக அவசர சட்டம் இயற்ற பிரதமரிடம் வலியுறுத்த டெல்லி சென்ற தமிழக முதல்வர் ஓ.பன்னீர்செல்வம் நேற்று சென்னை திரும்பினார். பின்னர் நேராக போயஸ் கார்டன் சென்று சசிகலாவை நேரில் சந்தித்தார். இந்த சந்திப்பில் இருவரும் தமிழகத்தில் ஜல்லிக்கட்டு நடத்துவது குறித்து ஆலோசனை செய்ததாக கூறப்படுகிறது.
ஜல்லிக்கட்டு அவசரச் சட்டம் குறித்தும், ஜல்லிக்கட்டு நடத்துவதற்கான ஏற்பாடுகள் குறித்தும் ஓபிஎஸ், சசிகலா விவாதித்ததாக கூறப்படுகிறது. மேலும் ஜல்லிக்கட்டுக்கான தடை நீங்கியவுடன் அதிமுக சார்பில் ஜல்லிக்கட்டை நடத்தலாமா? என்பது குறித்தும் சசிகலா முதல்வர் உள்பட அதிமுகவின் முக்கிய தலைவர்களிடம் விவாதித்ததாக கூறப்படுகிறது.
அனேகமாக இன்று அல்லது நாளைக்குள் அவசர சட்டம் இயற்றப்பட்டு, அடுத்த வாரம் தமிழகம் முழுவதும் ஜல்லிக்கட்டு சிறப்பாக நடைபெறும் என்று எதிர்பார்க்கப்படுகிறது.
