கவர்னரை முதலில் சந்திப்பது யார்? போட்டா போட்டியில் வெற்றி யாருக்கு கிட்டும்?
தமிழக பொறுப்பு கவர்னர் வித்யாசாகர் ராவ் இன்று பிற்பகல் 3 மணிக்கு சென்னை வரவுள்ளார். அவரை வரவேற்க முதலமைச்சர் என்ற முறையில் ஓ.பன்னீர்செல்வம் விமான நிலையம் செல்லவுள்ளார். அப்போது அவர் கவர்னருடன் தமிழக அரசியல் சூழல் குறித்து கலந்தாலோசிப்பார் என்று எதிர்பார்க்கப்படுகிறது.
அதேபோல் சசிகலா ஆதரவு அமைச்சர்கள், எம்.எல்.ஏக்களும் கவர்னரை சந்திக்க திட்டமிட்டுள்ளதாகவும், இந்த போட்டா போட்டியில் வெற்றி பெற்று யார் முதலில் கவர்னரை சந்திப்பார்கள் என்ற கேள்வி எழுந்துள்ளதாகவும் கூறப்படுகிறது.
மேலும் கவர்னரை ஆளுனர் மாளிகையில் எம்.எல்.ஏக்களுடன் இணைந்து சென்று ஆட்சி அமைக்க உரிமை கோரி சசிகலா சந்திப்பார் என்று கூறப்படுகிறது
