பிரதமர், கவர்னருக்கு ஓபிஎஸ் நன்றி கடிதம்
அதிமுக பொதுச்செயலாளர் சசிகலா முதல்வர் ஆகும் வகையிலும் அவருக்கு வழிவிடும் வகையிலும் தனது முதல்வர் பதவியை ஓ.பன்னீர்செல்வம் ராஜினாமா செய்தார். மேலும் ராஜினாமாவிற்கு பின்னர் அவர் தனது பதவிக் காலத்தில் ஒத்துழைப்பு வழங்கிய பிரதமர் மோடி மற்றும் கவர்னர் வித்யாசாகர் ராவ் ஆகியோர்களுக்கு நன்றி தெரிவித்துள்ளார்.
பாரத பிரதமர் நரேந்திர மோடி மற்றும் கவர்னர் வித்யாசாகர் ராவ் ஆகியோர்களுக்கு நன்றி தெரிவித்து அவர் எழுதிய கடிதத்தில் குறிப்பிட்டிருப்பதாவது..
தமிழகத்தின் முதல்வராக நான் பணியாற்றிய காலகட்டத்தில் எனக்கு முழுமையான ஒத்துழைப்பு வழங்கியதற்கு எனது உண்மையான நன்றியை தெரிவித்து கொள்கிறேன், மீண்டும் என் நன்றியை தெரிவித்து கொள்கிறேன் என அவர் குறிப்பிட்டுள்ளார்.
தமிழக அரசியல் வரலாற்றில் முதல்வர் பதவியை மூன்று முறை ராஜினாமா செய்தவரும், ராஜினாமா செய்யும்போது பிரதமருக்கு நன்றி தெரிவித்தவரும் ஓபிஎஸ் ஒருவரே என்பது குறிப்பிடத்தக்கது.
