மீனோடு ஆமை கேழல் அரி
குறளாய் முன்னும் இராமனாய்த்
தானாய் பின்னும் இராமனாய்த்
தாமோதரனாய்க் கற்கியும்
ஆனான் தன்னைக் கண்ணபுரத்து
அடியன் கலியன் ஒலி செய்த
தேனார் இன்சொல் தமிழ்மாலை
செப்பப் பாவம் நில்லாவே
மீன் – மச்சாவதாரம்
ஆமை – கூர்மாவதாரம்
கேழல் – வராக அவதாரம்
அரி – நரசிங்க அவதாரம்
குறள் – வாமன அவதாரம்
முன் இராமன் – பரசுராமன்
தான் – தசரதராமன்
பின் இராமன் – பலராமன்
தாமோதரன் – கிருஷ்ணன்
கல்கி – கல்கி அவதாரம்
இப்படி பகவான் எடுத்த பத்து அவதாரங்களையும் ஒரே பாட்டில் விவரித்துப் பாடியுள்ளார் திருமங்கையாழ்வார்.
