ஜாக்கிசானுக்கு ஆஸ்கார் விருது. வாழ்நாள் சாதனைக்காக வழங்கப்படுகிறது.
பிரபல ஹாலிவுட் நடிகரும் ரஜினியின் தீவிர ரசிகர்களில் ஒருவருமாகிய ஜாக்கிசானுக்கு ஆஸ்கார் விருது வழங்கப்பட்டுள்ளது. சுமார் 30 படங்களை இயக்கிய 62 வயது ஜாக்கிசான், திரையுலகில் செய்த சாதனைக்காக ஆஸ்கார் விருது வழங்கப்படுவதாக ”THE ACADEMY OF MOTION PICTURE ARTS AND SCIENCE” என்ற அமைப்பு சற்று முன்னர் அறிவித்துள்ளது. இதனால் உலகெங்கும் உள்ள ஜாக்கிசான் ரசிகர்கள் உற்சாகம் அடைந்துள்ளனர்.
ஜாக்கிசான் நடித்த ‘ஸ்கிப் டிராஷ்’ என்ற ஆங்கில திரைப்படத்தின் தமிழ் பதிப்பான ‘இரு கில்லாடிகள்’ திரைப்படம் இன்று தமிழகத்தில் ரிலீஸ் ஆகிய நிலையில் இந்த விருது அறிவிப்பு வெளியாகியுள்ளது என்பது குறிப்பிடத்தக்கது.
ஆக்சன், காமெடி, செண்டிமெண்ட் என பலதரப்பட்ட நடிப்பை வெளிப்படுதிய ஜாக்கிசானுக்கு ரஷ் ஹவர், கராத்தே கிட் போன்ற ஹாலிவுட் படங்கள் உலகப் புகழை தேடித்தந்தது என்பது குறிப்பிடத்தக்கது..
