‘கபாலி’யின் கேரக்டர்கள் என்னென்ன? புதிரை விடுவித்த ரஞ்சித்
சூப்பர் ஸ்டார் ரஜினிகாந்த் நடித்து முடித்துள்ள ‘கபாலி’ படத்தின் படப்பிடிப்பு முடிவடைந்து போஸ்ட் புரடொக்ஷன்ஸ் பணிகள் தொடங்கப்பட்டுள்ள நிலையில் இந்த படத்தின் முக்கிய விபரங்களை இயக்குனர் ரஞ்சித் ஆனந்தவிகடனுக்கு அளித்த பேட்டியில் கூறியுள்ளார்.
இந்த படத்தில் ரஜினிகாந்த் வயதான டான் ஆக நடித்துள்ளதாகவும், அவருடைய நெருங்கிய நண்பராக ஜான் விஜய்யும், அவருக்கு ஆலோசனை சொல்லும் குருவாக சங்கிலிமுருகன் நடித்துள்ளதாகவும் ரஞ்சித் கூறியுள்ளார்.
மேலும் அட்டக்கத்தி தினேஷ் ரஜினியின் டான் கூட்டத்தில் ஒரு மெம்பர் என்றும், மெட்ராஸ் கலையரசன் இந்த படத்தில் வாத்தியார் கேரக்டரில் நடித்துள்ளதாகவும் அவர் கூறினார்
ரஜினிக்கு ஜோடியாக நடித்துள்ள நடிகை ராதிகா ஆப்தே குமுதவள்ளி என்ற கேரக்டரில் எஸ்டேட்டில் பணிபுரியும் பெண்ணாக நடித்துள்ளார். அதேபோல் ரஜினியின் மகளாக நடித்துள்ள தன்ஷிகா இந்த படத்தில் ரஜினிக்கு எதிரான டான் குருப்பில் இருப்பவராக நடித்துள்ளராம்.
இந்த படத்தில் ரஜினிக்கு பஞ்ச் டயலாகுகளே இல்லை என்பதும் ஒரு கூடுதல் தகவல்
