பிரபல பாகிஸ்தான் வேகப்பந்து வீச்சாளர் சோயிப் அக்தர் 20 வயது இளம்பெண்ணை திருமணம் செய்துகொண்ட தகவல் தற்போது வெளியாகியுள்ளது. சோயிப் அக்தருக்கு தற்போது 39 வயது ஆகிறது என்பது குறிப்பிடத்தக்கது.
பாகிஸ்தான் முன்னாள் வேகப்பந்து வீச்சாளர் சோயிப் அக்தர் கிரிக்கெட் விளையாடும் காலத்திலேயே சர்ச்சைக்கு பெயர் பெற்றவர். தற்போது அவருடைய திருமணமும் சர்ச்சைக்கு உள்ளாகியுள்ளது. 39 வயதான சோயிப் அக்தர் தன்னைவிட 19 வயது குறைவான பெண்ணை சமீபத்தில்திருமணம் செய்துள்ளார். சோயிப் அக்தரை திருமணம் செய்த ரூபாப் என்ற இளம்பெண் பிரபல தொழிலதிபர் ஒருவரின் மகள் என்பது குறிப்பிடத்தக்கது. இவருக்கு கிரிக்கெட் மீது அதிக ஆர்வம் இல்லையென்றாலும், சோயிப் அக்தரை கடந்த சில மாதங்களாக காதலித்து வந்ததாக கூறப்படுகிறது.
இருவருக்கும் கடந்த மூன்று மாதங்களுக்கு முன்பே திருமணம் நடந்துவிட்டதாக பாகிஸ்தான் ஊடகங்கள் செய்தி வெளியிட்டிருந்தன. ஆனால் சோயிப் அக்தர் அந்த செய்தியை மறுத்துவந்தார். இந்நிலையில் இவர்களது திருமண புகைப்படம் நேற்று வெளியானதால் இருவரும் தங்களது திருமணத்தை தற்போது ஒப்புக்கொண்டுள்ளனர்.
